Framleis gode prognosar - ein KM-oversikt

Sjølv om det i år var "Stor-KM", der 11- 14- åringane ar inkludert, så er det meiningsfullt å studera nøgnare medaljeoversikten berre for dei mellom 11 og 14. Dei er jo i høg grad ein indikasjon på kva for klubbar som har gode prognosar dei komande 3- 5 åra.

I oversikten har eg følgt spesielt nøye med tre andre klubbar i tillegg til Gneist dei siste åra: Fana, Norna-Salhus og Laksevåg. I år blir også Bergens Turn inkludert, fordi det i høg grad er ein klubb i solid framgang.


Her er først medaljeoversikten for KM 11-14 år i 2012. Den fortel for det første at Gneist er suverent beste klubb i aldersgruppa, den fortel også at Bergens Turnforening har overteke som nest-beste klubb. I fjor var Bergens Turn på 4. plass på denne oversikten - med Fana på 2. og Norna-Salhus på 3. plass. Skogsvåg si sterke plassering er også verd å merka seg.

	Gull	Sølv	Bronse
Gneist	41	15	9
Bergens TF	13	15	11
Norna-Salhus	11	5	3
Fana	9	14	10
Skogsvåg	7	7	5
Aks-77	5	4	3
Fri	4	2	4
Osterøy	3	6	6
Ask	2	2	2
Bjarg	1	3	8
Voss	1	2	1
Kalandseid	1	1	1
Stord	1	0	1
Varegg	1	0	0
Hovding	0	2	2
Laksevåg	0	1	1
Os	0	1	1
Viking	0	1	0

Så kikkar me litt på utviklinga for Gneist og nokre andre klubbar. Denne oversikten syner at Gneist sitt store steg inn i einar-posisjonen skjedde frå 2008 til 2009. I 2008 var framleis Norna-Salhus beste klubb i denne samanhengen, i 2009 var Gneist gått forbi - og i 2010 var avstande stor. Dei to siste åra har Gneist vore i ein eigen klasse.

Fana har vore i jamn framgang, med eit lite tilbakesteg i år. Norna-Salhus var størst og best for fem sesongar sidan, men har gått jamt tilbake deretter. Tilbakegongen har vore svært stor for Laksevåg. Klubben var marginalt bak Norna-Salhus i 2008 - med 22 gull og 51 medaljar. Fire år seinare blei det 0 gull på Laksevåg og berre to medaljar i dei yngste årsklassane:

	2008	2009	2010	2011	2012
Gneist	13-14-10	30-26-22	32-25-16	40-28-20	41-15-9
Fana	6-13-5	7-7-7	7-8-11	15-15-11	9-14-10
Norna	22-16-7	26-24-18	18-6-7	13-13-8	11-5-3
Laksevåg	22-14-15	11-10-6	6-6-6	3-0-1	0-1-1
Bergens TF				12-9-7	13-15-11