torsdag 23. juni 2016

Rekord-magazinet 23. juni 2016 (Huddinge, Huddinge)

Dette har hendt (i alle fall):


Emma A. Voldsund sette ny klubbrekord i diskos (0,75 kg) i J13 onsdag (den var ledig). Diskosen landa på 22,77.

Pål Haugen Lillefosse betra klubbrekorden i Gneist i stav i Stockholm nyleg, då han hoppa 4,70 (opp frå 4,66), men framleis er det 10 cm under persen, men det nærmar seg også den.

Torleiv Bakke Lygren held fram med å debutera/persa. På karusellstemnet på Fana Stadion onsdag blei det debut/pers både på 100 meter (12,26) og 300 meter (40,27).

Gjert Høie Sjursen har gjort mykje, som den mangekjemparen han er. Han har sett ny klubbrekord i G16 på 110 meter hekk (91,4) med 14,42 (betring av eigen rekord). Då Gjert deltok i Nordisk i mangekamp i Huddinge i Sverige tidlegare i juni, blei det fleire persar. På 400 meter sprang Gjert på 55,07 (55,84 frå UM i Nittedal tidlegare i år). På 1500 meter knuste han persen frå Nittedal i mai: Han sprang på 5:19,91, mot 6:06,82 sist. Det blei utepers i høgde på 1,62 (1,58), det same blei det i stav med 3,08 (2,80 - Gjert har 3,10 inne). I lengde blei det solide 6,38, ei persbetring frå 6,26 under ute-UM på Lillestørm i fjor.

(som mange veit, så laga Mikael Wiehe/Hoola Bandoola Band ein song som heiter "Huddinge, Huddinge" ein gong for lenge sidan. Den handlar vel om spriket mellom det me skulle bli og slik livet blei. Så er det nemnt. Alle dei som har lyst til å høyra Wiehe i ein meir oppdatert versjon, kan hiva seg over denne lenka.)

Jakob Jamt Ånonli sprang sin første - trur eg - 300 meter onsdagskvelden. Debuten blei såpass brukande som på 37,67.







søndag 12. juni 2016

Tyrving - dag 3

Først ei intern melding til Anders Bjørndal: Under Voss Cup blei ein Bugatti 360 med originale Opel-striper observert. Slå den!


Så, til Tyrvinglekene dag 3:

Andreas Haara Bakketun sprang på knallsterke 11,18 i finalen på 100 meter i G15 - men dessverre med +2,2 i medvind.

Nemnde Anders Bjørndal persa på sin 400 meter, til 51,42 (frå 51,72), noko som er under kravet til junior-NM i U23.

Kristoffer Blücher småpynta på sin alt sterke pers på 400 meter - frå 50,67 til 50,64.

Thomas Blücher flytta den ferske persen sin på 400 meter ned frå 54,14 til 53,87.

Pål Haugen Lillefosse vann 100 meter i G15 med fantastiske 11,00 - men dessverre med +2,2 i medvind.

Torleiv Bakke Lygren debuterte på 400 meter med 57,95 som resultat.

Tyrving - dag 2

Voss Cup dag 2: To sigrar i svært tette og spennande oppgjer: 2-1 og 1-0.


Tyrvinglekene dag 2:

Anna Evensen persa på sin 200 meter, til 27,76.

Det er verdt å minna om at Andreas Haara Bakketun spring fantastisk fort, sjølv om han for tida kjem litt i bakgrunnen av klubbkompis Pål. På 200 meter lørdag blei det ny solid utepers med 22,74 (han har 22,65 frå inne-UM).

Det er sagt, skrive og filma mykje om familien Ingebrigtsen i det siste, men kva med familien Lillefosse? Ein treng gjerne ei motvekt med den langt meir smålåtne fitjarbuen som patriark. For avkommet presterer  alle fall på høgt nok nivå. Stavhopparen Pål Haugen Lillefosse er velkjent i inn- og utland. Lørdag sprang han 100 meter hekk og 200 meter på nasjonalt bestenivå i G15: 13,16 på hekken og 22,34 på 200 meter!

André Seliussen sprang ein sterk 800 meter og flytta persen ned til 2:11,30.

Eg noterer like så godt ein klubbrekord på dei fire sterke 13-åringane på laget i 13/14-klassen på 4 x 60 meter stafett. Tida, 32,80, er berre eit knepent halvsekund bak klubbrekord med også 14-åringar, men dette laget hadde altså berre 13-åringar med, så då. Det bestod av Emma A. Voldsund, Una Haukanes (som også imponerte med 5,03 i lengde!), Emma Dahl Sørbo og Hilda-Lovie Riisnes Riise.


fredag 10. juni 2016

Tyrving - dag 1

2007.

Det var det siste året, før i år, at eg ikkje var til stades på Nadderud Stadion under Tyrvinglekene. Underleg kjensle.

2007 var samtidig siste året eg var på Voss Cup. I 2016 er eg tilbake der.

Moralen er: ein kjem gjerne tilbake.

**

Rekord-magazinet frå dag 1 av Norges største friidrettsstemne:

Ingrid Næss Johansen held fram sin jamne og fine framgang. Ho sprang 3000 meter på 10:34,71, som er nesten fem sekund ned frå tida under Karabinlekene.

Pål Haugen Lillefosse persa ikkje i lengde. Han har 6,50 frå Göteborg i fjor sommar, men han hoppa 6,46 - og dermed betra han likevel eigen klubbrekord i G15 frå 6,41.

André Seliussen, sist sett i bakgrunnen under tv-sendinga frå Bislett Games, sprang 2000 meter på 5:57,60 og braut dermed ein symbolsterk barriere på 15 års-øvinga. André hadde 6:11,85 frå i fjor seinsommar.

Erlend Gjerdevik Sørtveit, som for tida spring i feil blåfarge, sprang på 8:32,41 på 3000 meter, pers med opptil fleire sekund på Strindheim-løparen.

Jakob Jamt Ånonli sprang 200 meter på 23,63, som er pers frå 23,94 under Karabinlekene. Tida er også under kravet til junior-NM:

søndag 5. juni 2016

Framo - dag 4

Vel, dette er ikkje natta. Det er vel då i staden ei "ugudeleg" tid - og då får me vel knytta det til varmen - garasjekontoret held i ettermiddag 32 grader, det er no brukbart.


Her er Rekord-magazinet frå dag 4 av Framolekene:


Ingrid Sortland sprang på imponerande 12,73 på 100 meter - og dermed er Ingrid kvalifisert til senior-NM dei to neste meisterskapa! Ingrid hadde 12,89 frå UM i fjor haust frå før.


Andreas Haara Bakketun sprang 100 meter på 11,32. Dermed persa han frå 11,49 for ei veke sidan.

Anders Bjørndal persa på 400 meter til 51,72. Han hadde 52,02 frå Tyrvinglekene i fjor (og har 51,98 inne).

Kristoffer Blücher sprang 400 meter på 50,67, ei persbetring frå 51,30 (Nadderud i fjor).

Thomas Blücher betra sin 400-pers monaleg - frå 57,65 og heilt ned til 54,14.

Steffen Algrøy Boga knuste sin 3000-pers, då det blei 9:31,51 i varmen søndag.

Hans-Magnus Haukøy er ikkje nokon erfaren 3000-løpar, for å seia det varsamt. Han presterte likevel så godt som 9:08,99 søndag.

Torbjørn Knag har levert ein serie med gode sprintløp i helga. Søndag blei det 12,87 på 100 meter, pers med nesten halvsekundet.

Pål Haugen Lillefosse sprang 100 meter på 11,22. Det er under NM-kravet - og klar ny klubbrekord i G15. (Kristoffer Blücher hadde den gamle på 11,41). Den gamle bestenoteringa til Pål var på 11,47.

Håvard Rinde sprang sin 400 meter på 58,57. Det er nett så vidt utepers (frå 58,66). Han har såpass som 56,11 inne.

André Seliussen sprang inn til 3000-pers med om lag to sekund, til 9:16,16, like bak junior-NM-kravet.

Jakob Jamt Ånonli hoppa heile 6,26 i lengde - ei solid persforbetring (og over junior-NM- kravet). Jakob hadde 6,03 frå tidlegare.


Rett og slett

Først: For ikkje å forvirra meir enn nødvendig; dette er ein kommentar til kommentaren (...) frå "Rettogslett" til det førre innlegget. Kommentaren finst under dette innlegget, om nokon skulle vera interessert.

Så: JA, heilt enig; Andreas Haara Bakketun sitt løp på 300 meter hekk lørdag var glitrande, rekord både slik og slik som det var. Eg vil ikkje ta noko ære frå Andreas på nokon måte, naturlegvis. Eg kjenner han som ein imponerande idrettsutøvar, men også som ein høfleg og kjekk kar. 

Når det er sagt; eg står naturlegvis fast ved følgjande formulering: 

Han som imponerte meg aller mest under Framolekenes dag 3, lørdag, var Hans-Magnus Haukøy.

Dette har fleire lag: For det første har Andreas gjort ein heil haug fantastiske prestasjonar, både på 300 meter hekk og andre øvingar. Hans prestasjon må naturlegvis målast opp mot dette også. Hans-Magnus gjorde eit byks på ein heilt sentral distanse. Han kvalifiserte seg også for junior-NM.

I tillegg såg eg dette løpet. Eg såg ikkje Andreas sitt løp. Det er no ein gong lettare å imponera meg når eg ser på enn når eg ikkje gjer det. Det er heller ingen løyndom at 1500 meter ligg hjartet mitt nærare enn 300 meter hekk. 

Det var altså ikkje kven som imponerte Norge eller Gneist mest, men kven som imponerte meg mest, der eg satt i varmen, lørdag ettermiddag.

Vurderingane mine er, utover det, ikkje finmaska. Dei er noterte om natta eller på andre ugudelege tider - og rekkefølgjen i presentasjonen er ikkje å rekna som ei rangering. 

Og så er det opp til meir offisielle hald å gi den meir offisielle æra.

Eg likar å tenka at Bloggen, gjennom 5 1/2 år, har bidrege til gode og oppmuntrande innspel for ein god del utøvarar. Av og til også for ein del foreldre, men det er no utøvarane som tel mest då.

**

Så er det slik at eg er rusten. Eg har ikkje same oversikten som då eg var djupt inolvert i rekord- og statistikkutval på nasjonalt nivå. Inntil vidare så forsøker eg å følgja opp det eg har som ei slags oppgåve i Gneist. I tilknyting til det så har eg tenkt at eg kan no halda liv i bloggen også - men det er naturlegvis ikkje noko som er livsviktig for meg.

For meg.

Unnskyld, Andreas, men for meg var det Hans-Magnus som imponerte mest lørdag.

Framo dag 3

Han som imponerte meg aller mest under Framolekenes dag 3, lørdag, var Hans-Magnus Haukøy. 14-åringen (ikkje 15 før i slutten av neste månad) persa med 11 sekund på sin 1500 meter. Han sprang heilt ned på 4:07,47, godt under junior-NM-kravet. Det blir også dimensjonar av det, når ein ser at dette berre er 35 hundredelar bak Henrik Irgens Gravdal sin klubbrekord i G15.



På same distansen, 1500 meter, sprang Jens Larsen Åstveit på 3:58,62, som er utepers med eit knapt sekund - godt og vel to sekund bak bestenoteringa frå innesesongen.

Andreas Haara Bakketun leverte ein ny knallsterk langhekk, då han sprang 300 meter hekk på 38,86 - solid ny rekordbetrin (G15).

Emma A. Voldsund tangerte innetida si på 60 meter hekk - og med det også klubbrekorden på distansen i J13.

Pål Haugen Lillefosse har 7,13 på 60 meter innandørs, men utepersa til 7,21, som også er klubbrekorden (ute) i G15.

Ingrid Sortland utepersa på 60 meter, frå 8,41 til 8,32 (i 2,2 sekundmeter motvind).

Håvard Rinde persa på 60 meter til 7,97, som også er likt med innetida til Håvard på distansen.

Solid ny sprintpers blei det også på Torbjørn Knag på 60 meter. Han flytta den ned frå 8,41 (inne) til 8,15.

Formsterke Maike Verhofstad pynta også på 1500 meter-persen, dagen etter at ho gjorde det same på 800. Ny pers er 4.51,63.

Torleiv Bakke Lygren er eit nytt namn for underteikna. Eg har notert, inkludert gårsdagens, to 200 meter-løp på han - det eine betre enn det andre. Sist blei det 25,50, i går så langt ned som 24,74.