Første dag under inne-UM i Sandnes blei ein kaotisk affære - ikkje verdig eit ungdomsmeisterskap.
At kortløp og rundbaneløp gjekk samtidig, var ikkje noko god løysing.
Når startskot på hekk gjallar medan 1500 meter-løparar spring forbi, rett ved startaren, ja då er det ein smule parodisk.
Når eit super-spennande gutar 16-heat på 1500 meter er midt i innspurten, så er arrangøren/speaker i full gang med premieutdeling. Det er heilt bak mål.
Og så overgjekk ein altså generalprøven då resultatsystemet slutta å fungera på tidleg ettermiddag. Det er i skrivande stund i det blå om det kjem til å dukka opp offisielle resultat - utover ei rekkefølgje - i fleire øvingar. Det betyr at fleire utøvarar - også frå Gneist - går glipp av personlege rekordar.
Og oppvarming? Jo, veret var heldigivis blitt brukande etter kvart til å varma opp ute, men etter innmarsjen var det slutt på skikkeleg oppvarming. Det var ingen stader å ta skikkelege oppvarmingsdrag.
Dette er underteikna sitt femte UM. Det er så langt det desidert mest problematiske som idrettsarrangement. Her var det til dels svært uråd å veta kva som føregjekk. Og speakertenesta var flinkare til å opplysa om stillinga under VM-stafetten i skiskyting enn kva som gjekk føre seg - til dømes på 60 meter hekk på andre sida av banen.
Noko positivt å seia? Vel, dette kan berre bli betre...
Og jo da, Norge vann skiskyttar-stafetten i Ruhpolding.
Ingen kommentarer:
Legg inn en kommentar