Medan 2012 er eit etter måten billeg år, når det gjeld reiser til meisterskap, så blir 2013 ei heilt anna historie. Fredag blei arrangementa for 2013 fordelt - og det kan bli heftige saker økonomisk. (Her kjem altså flaskesamlings-poenget inn.) Men det er også gode nyhende for dei som kjenner seg litt snytt for friidrettsturar i år, med "berre" Sandnes til inne-UM og så "langtur" til Ravnanger til ute-UM.
Altså: inne-UM i år går i Sandnes, det er rett nedi her ein stad. I 2013 går inne-UM i Steinkjer. Det er eit godt stykke mot nord. I år har Gneist 26 utøvarar med i Sandnes, det er temmeleg mange. I 2013 er det svært sannsynleg at talet blir (godt) over 30. Til Steinkjer, altså.
Ute-UM i år går på Ravnanger Idrettspark på Askøy. Då blir det privatbilisme og soving heime i eigne senger. I 2013 går ute-UM på Lillehammer. Skilnad det også.
Og ein siste: kortløype-UM/NM i terrengløp går i april i år i Strandebarm i Kvam. I 2013 går tilsvarande meisterskap på Hønefoss (Ringerike Friidrettsklubb). Jo da.
Og elles? Jo, rett skal vera rett: Inne-NM, som denne helga går i Steinkjer, skal i 2013 gå i Haugesund. Her snakkar me ikkje om mange Gneist-utøvarar (BFG), men eit par-tre kan det no bli.
UM/NM i stafettar går i mai i år austpå (Jessheim). I 2013 er det Sandnes IL som tar på seg endå eit større friidrettsarrangement.
Junior-NM går i år i Sigdal i Buskerud. I 2013 er det Overhalla i Namdalen i Nord-Trøndelag som overtar.
UM/NM i terrengløp, lang løype, skal til hausten i år gå på Ås. I 2013 skal også det til Nord-Trøndelag; til Frol i Levanger.
Sjølvaste hovud-NM går i 2012 i Kristiansand, i 2013 skal det gå i Tønsberg og i 2014 (her ligg ein altså eit heilt år framfor dei andre arrangementa) er det Ullensaker/Kisa og det nye stadionet på Jessheim (årets stafett-NM/UM- arrangør) som skal vera vertskap.
Ingen kommentarer:
Legg inn en kommentar