Leikvang

Lørdag førstkomande går årets første skikkelege stemne av stabelen. Det blir ein mjuk start med vesle Hovdingleikane på Leikvang i Åsane. Påmeldingsfristen går ut på slutten av døgeret i morgon, 3. mai. Så langt ser det brukande ut.

Hovdingleikane er ikkje noko svært stemne. Øvingsprogrammet er for det første smålåte, for det andre er det adminisrativt - eller logistisk, om ein vil - enkelt. På løp går det ei røys med 200 meterar litt utpå lørdagen, deretter blir startaren ståande der han står og me får ei rekkje med 600-meterar. Og der stoppar det i lengde på løpa.

Hovdingleikane utmerkar seg i år først og fremst fordi det er årets første stemne. Det pleier det ikkje vera. Det er i staden Laksevåglekene som til vanleg har den æra, men i år kjem Laksevåg sitt stemne på Fana Stadion først neste søndag.

Spennande blir det også å sjå korleis den nye friidrettshallen på Leikvang tar seg ut på nært hald, den er berre eit par månader unna ferdigstilling.

Til så lenge: Her følgjer bilete frå hallen i Sandnes, frå Stavanger Aftenblad