Eg er overvelda og heilt speechless - som dei seier, dei som er kule dommarar i "Norske talenter": Friidrettsungdommen i IL Gneist har nokre årgangar som dominerer både her vestpå og - er eg kanskje trygg på vil visa seg etter kvart - på landsbasis. Det viser Mailekene i Haugesund ganske tydeleg.
Her er naturlegvis mykje som ikkje blir nemnt her. Det var mellom anna så mange gongar at Gneist-utøvarar blei ropt opp for få å bestemannspremiar at dei aktuelle utøvarane sjølve blei i tvil om kva det galdt. Eg registrerte i alle fall Silje Stenersen, Maren Haugen Lillefosse og Sondre Rinde mellom dei som gjesta pallen på aller gjævaste vis denne helga.
Ingenting stoppar desse Gneist-talenta. Casper Stenersen (G13) har hatt ein sjukdomsperiode, noko som gjorde at han stod over 800-meteren lørdag. Søndag var han ikkje sjukare enn at han kjempa heilt til mål mot G14-vinnaren Marius Emil Salvanes, som sette stemnerekord på 1500-meteren. Casper si tid, 4:32,05, gir heile 1041 poeng på Tyrvingtabellen, noko som klart er sesongens beste løpsresultat for gutar. Det er også fattige 25/100 bak Andreas Iden sin tre år gamle klubbrekord. Og det er magne sjansar igjen for Casper. Tenk når guten er frisk...
Nest beste løpsresultatet i sesongen så langt står Sondre Rinde (G13, også han) for, med sitt 9,5 på 60 meter hekk. Sondre var heldig med vinden på dette løpet - målaren stoppa på +2,0. Med tillegget for manuell tid gir løpet 1020 poeng. Det gav også både bestemannspremie på hekk og stemnerekord for ein Sondre i kanonform.
Klubbrekord kan me faktisk notera i kast etter helga i Haugesund. Cathrine Harris (J13) fekk opp solide 10,05 med 2kg-kula, noko som gir 931 poeng. Det er naturlegvis særs hyggeleg med gode kastresultat.
Anna Evensen i J11 hadde mange gode resultat i helga. Aller best var 60 meter hekk-løpet på 10,98, noko som gir 984 poeng. Tett bak som poengresultat var Silje Stenersen sitt 600 meter-løp i J11 på 1:51,30 (968 poeng). Begge jentene jagar klubbrekordane til Renate Lie, som sjølv mellom anna hadde to solide 60 meter-løp i J13, på 8,58 og 8,50 med litt for mykje vind (8,58 var med knepne +2,1).
Særs vindfullt blei det også på Aleksander Lie (G15) på 100 meter. Han presterte 12,15, som er godt under UM-kravet på distansen, men med heile 5,8 i pluss. Det siste fortel at det blei mange med nye hårsveisar i haugesundsvinden også denne helga.
At me gler oss til framhaldet, er å ta ta varsamt i.
Ingen kommentarer:
Legg inn en kommentar