Eg er ikkje så stø i arabisk, det er sikkert difor. Då Haugesund IL opplyste at online-påmeldinga til Mailekene 2011 skulle vera klar "senest i løpet av lørdag", så trudde eg det betydde "seinast i løpet av lørdag".
Så feil kan ein ta. Det betydde i staden "mandag ettermiddag". Jakta på tilgang, passord og anna administrativt nyttig og viktig er dermed over i sildabyen og online-påmeldinga er klar.
Men, det betyr også at det berre er fire dagar igjen til påmeldingsfristen går ut. Medan Tyrving, til dømes, har eit par månaders påmeldingsperiode, så har Mailekene i år fire dagar. Det held i massevis, naturlegvis, for dei som har tenkt seg nedover, ein må berre vera obs på det. Silje og Casper Stenersen var særs vakne denne gongen og var første i Gneist-familien på påmeldingslista.
Og veret? Veret skal jo alltid vera bra under Mailekene. No har arrangøren eksperimentert med å flytta stemnet ei veke fram, så me er litt nervøse, men så langt er det grunn til å vera optimistisk. (Sjølv om rapportane frå fotballkampen på Haugesund Stadion i går kveld fortel at brorparten av dei sju måla blei scora av denne Vinden.)
Ingen kommentarer:
Legg inn en kommentar