Saknet etter Laksevåglekene var der heilt klart i går, søndag 15. mai, den dagen årets arrangement skulle ha gått av stabelen. Veret tilsa at det også ville ha vore ein fin dag for friidrett. No har det altså blitt tynnare i stemnekalenderen denne våren enn det som me kunne ønskt oss - med Laksevåglekene ute og no med flytta stor-KM for dei eldste.
Då gjeld det å hiva seg rundt og delta der ein kan. Eg registrerer at påmeldinga til Framolekene i skrivande stund er overraskande smålåten. Påmeldingsfristen er berre tre dagar unna. No er det ikkje noko nytt at det kjem dettande inn ei røys med påmeldingar i siste liten, men det er neppe nødvendig for alle å vera så seine i avtrekkaren.
Elles er det den første "Hovdingruletten" på Leikvang på torsdag, Osterøy-karusell neste tirsdag og dei gjenoppståtte Askøy-leikane dagen deretter.
Nokre av våre ivirigaste har hive seg på gateløpa som blir arrangert: Både Vilde Omholt, Ingrid Næss Johansen og Jørgen Jensen Axelsen hadde gode løp i Fjellveiløpet sist tirsdag. Dei to sistnemnde markerte seg også høgt i gårsdagens Åsaneløpet: Ingrid blei nr. 3 på 5km i kvinneklassen med 19.54 og Jørgen - dagen etter Holmenkollstafetten - kom i mål på solide 15,46 på 5km for menn.
Ingen kommentarer:
Legg inn en kommentar