Norgesstatistikken

... er oppdatert i dag, 12. mai. I alle fall til ein viss grad.

Statistikken finst som kjent her

Vel, i alle fall er klassane J14, G14, G15 og G16 oppdatert i dag. Det har me frå sikkert hald. "Senior distanse" er også oppdatert pr. 12. mai av den røynde Tore Johansen, medan Knut Johansen (her er nok ikkje noko slektskap, trur eg) tar seg av J15, oppdatert i går, der det er sterke Gneist-utøvarar med.

Så vil ein del i Gneist-familien sakna G13, der Sondre Rinde og Casper Stenersen ville vore særs høgt oppe med sine resultat så langt. Der manglar Forbundet statistikkansvarleg så langt, så om nokon kjenner nokon som likar den slags, så er her plass til fleire i familien. Det ordnar seg nok ganske snart.

Elles kan ein notera seg at prinsippa for føring for 13- og 14- årsklassane skil seg noko - i alle fall hos dei fleste - frå dei eldre klassane.

For dei to yngste klassane tar ein med ganske mange resultat fram til om lag midt i august månad. Det har å gjera med at statistikken til dette tidspunkt - i tillegg til grunnlag for seeding i større stemne - skal vera eit godt grunnlag for uttak til dei regionale NCC-leikane i september. Etter dette blir mengda resultat snevra inn ein (god) del, slik at ein til slutt hamnar med ein resultatbunke som stort sett er innanfor det resultatet som står i parentes etter kvar øving.

For dei eldste klassane må ein nok prestera under dette parentes-resultatet alt tidleg i sesongen for å bli notert i statistikken. For dei UM-aktuelle øvingane så er dette minimumsresultatet samanfallande med UM-kravet. Til dømes: 100 meter-kravet i G15 er 12,40. Alle som spring på 12,40 eller fortare er med i statistikken.