Ungdommane frå 15 år og oppover fekk si offisielle sesongopning i og med Gular og BFG Fana sitt opningsstemne mandag kveld. Det innebar også avslutninga på den vesle minisommaren i mai me har hatt. Veromslaget blei markert med ein frisk vind under sprinten, men så blei det så godt som vindstille til dei lengre løpa. Og temperaturen følgde også øvingsprogrammet, frå godt og varmt sprintver først, til behageleg mellomdistanse-temperatur deretter.
Monika Benserud og Vilde Lund Bjørnsen (J15) fekk sesongens første 100 meter-resultat i 3,5 sekundmeter motvind. Begge har betre tider frå fjoråret, men med høvesvis 13,04 og 13,26 er begge to under UM-kravet også ute i 2011. Monika si tid er også under junior-NM-kravet.
Aleksander Lie (G15) sprang eit fint gjennomført 800 meter-løp på 2:06,56, som var pers med 1,1 sekund og dermed også godt under UM-kravet (også i år). Dette var årets første notering på distansen under UM-kravet i Norge.
Vår mann på 1500 meter var Jørgen Jensen Axelsen (G18). Han opna friskt, men fekk det litt tyngre mot slutten og kom i mål på 4:12,65. Det er to og eit halvt sekund bak pers, men første tida hans på 1500 meter i år er også under junior-NM- kravet for Jørgen.
På 3000 meter debuterte Stian Norheim (G15) på en fornuftig måte, med tida 9:56.30. Ole Martin Røssland (G16) senka persen med seks sekund på distansen, til 9:17,60 - eit halvminutt under UM-kravet og to eit halvt sekund bak junior-NM-kravet.
I stav noterte Magnus Leikvoll (G15) seg for sesongen første stavsprang ute under UM-kravet i sin årsklasse i Norge med 2,90. Det er med andre ord litt å gå på til høgdene frå inne-UM i mars.
Ingen kommentarer:
Legg inn en kommentar