Då står det som oslo-folket kallar "Vårens vakraste eventyr" for døra. Som nemnt tidlegare; her er mange stemne her vestpå som kvalifiserer til nemninga også, så det omgrepet får ikkje Holmenkollstafetten ha heilt åleine i alle fall.
På elitelaget til BFG, menn, er det to av våre ungdommar som stiller:
Jørgen Jensen Axelsen spring alt på 1. etappe: 1200 meter inne inne på Bislett Stadion. Jørgen har varma godt opp, med 1500 meter på Fana Stadion mandag og Fjellveiløpet tirsdag. Og så joggar han ned med Åsaneløpet når han kjem heim søndag...
Ole Martin Røssland er sett opp på 14. og nest siste etappe, som går frå Camilla Collets vei og fram til Maratonporten ved Bislett. Der gir han pinnen til han som skal avslutta inne på Bislett. Etappen til Ole Martin er på 850 meter, reine sprintdistansen altså.
I fjor blei dette elitelaget til BFG nr. 17 av 18 i Elitedivisjonen. Dei 16 beste norske laga held plassane sine kvart år, så det gjekk akkurat i fjor å unngå nedrykk. Det var noko svensk oppi der også. I år er nok ambisjonane å klatra eit par hakk i Eliten, så får me nett sjå utpå lørdag ettermiddag ein gong.
Ingen kommentarer:
Legg inn en kommentar