Laksevåg i krise

No i kveld ser eg meldinga om at for det første:

- Laksevåglekene, som skulle ha vore arrangert neste søndag, 15. mai, blir avlyst

og for det andre:

- Friidretten i Laksevåg synest å vera i akutt krise.

Begge deler er jo svært trist. Det verkar som om friidretten i Laksevåg Turn- og Idrettslag har dårlege kår, i konkurranse med dei andre idrettane i laget og særleg fotballen. Kva som blir utgangen på dei interne stridane i klubben gjenstår vel enno å sjå, men konklusjonen med omsyn til Laksevåglekene er at eldsjelene innan friidretten må bruka alle kreftene sine til å kjempa internt, mellom anna om treningstider, og såleis ikkje har energi igjen til å arrangera dei tradisjonsrike Laksevåglekene.

Laksevåg har gjennom fleire år markert seg svært sterkt i mange arrangement og meisterskap og i ei rekkje ulike øvingar.

Som sagt: Ein trist inngang til årets sesong dette.