Joda, for dei av oss som likar å følgja med på vermeldingane før stemne, så er det nitrist lesing no i forkant av Mailekene i Haugesund. Det begynte så bra, med full sol, så har det berre blitt verre. No skal det bøtta ned og blesa svært så friskt. Slår det til - og det fryktar me no når det er såpass nærmt i tid - så blir det ei vergudanes balansering overfor oss som har bada i sol i Haugesund dei siste åra.
No ja.
En skal ikkje krisemaksimera på eit slikt grunnlag, men påmeldinga til Mailekene syner likevel at Gneist må passa på etterveksten. 12-åringane på jentesida synest å vera heilt borte, vonleg dukkar det opp eit par når det blir stemne på Fana Stadion igjen. Også for gutane er det tynt mellom 12-åringane. Så langt ber Kristoffer Blücher børa åleine der.
Det er til saman åtte jenter som er påmeldt i Haguesund: tre 11-åringar, tre 13-åringar og to 14-åringar:
Av 11-åringane får Anna Evensen det travlast, med 60 meter, 60 meter hekk, 600 meter, kule og lengde på programmet. Charlotte Harris skal delta i kule, lengde og på 60 meter, medan Silje Stenersen spring 60 meter, hoppar lengde og spring 600 meter. Og når me høyrer 600 meter - og lengre - og Stenersen, så veit me at det blir kvalitet.
Renate Lie spring 60 meter, 200 meter, 600 meter og hoppar lengde og må vera favoritt i alt dette i J13. I lengde er faktisk dei to lagvenninnene truleg sterkaste utfordrarar. Cathrine Harris stiller dessutan på 60 meter, 200 meter, 60 meter hekk og i kule. Aller flest startar har Maren Haugen Lillefosse (eg trur ho har ein klubbrekord i tal på startar i "moderne tid", frå Tyrvinglekene). Denne gongen stoppar ho på seks øvingar: 60 meter, 200 meter, lengde, 600 meter, 60 meter hekk og høgde. Dei tre i J13 vil truleg plukka med seg ganske mange medaljar.
I J14 er det enkelt og reinskore: To jenter spring dei same to distansane, éin kvar dag. På 800 meter lørdagen er det heile ni jenter påmeldt, men våre to - Ingrid Næss Johansen og Anna Serine Røssland - bør ha medaljesjansar. På 1500 meter søndag er feltet redusert til ein 1/3, så her skulle medaljane vera trygge. Og våre to skal i tillegg vera dei sterkaste av dei tre.
Og så: Full kjemping i motvind, full fart framover i medvind... Og me i heiagjengen må finna from sydvesten.
Ingen kommentarer:
Legg inn en kommentar