Kvalifiseringsnytt

Til dei store samanhengane, til VM og OL og slikt, heiter det seg at dei som er kvalifiserte "kan ta mål av VM-/OL-dressen". For Gneist-utøvarar kvalifiserte til UM må det nærmaste vera å sjekka at "Gneist Junior"-overtrekksdrakta framleis passar - eller å ta mål av den for dei heilt ferske.

Sist me kikka på oversikten over dei kvalifiserte, var det 14 utøvarar som var klare for UM i Fredrikstad sist i august. Det var talet før første banestemne i år var blitt arrangert. Både uteresultata frå fjoråret og vinterens inneresultat er gjeldande som kvalifiseringsgrunnlag.

Framleis er sesongen fersk, men me vil peika på følgjande nyhende:

Anne-Marte Aldal Sætre (J17) har svinga seg over 2,30 i stav og er dermed kvalifisert seg til UM, der kravet er på nettopp det. Til overmål er kravet framleis på 2,30 for 18/19-klassen og dermed er Anne Marte alt kvalifisert til evenementet på Askøy neste år også. Dette gjer Anne Marte til nr. 15 på lista over UM-kvalifiserte i år.

Så har Marianne Benserud (J16) kvalifisert seg på 200 meter, med tida 27,45 frå opningsstemnet. Dette er også under kravet for J17 til neste år.

Aleksander Lie (G15) har utvida sine øvingsval - her må det nok prioriterast - med også å kvalifisera seg på 200 meter. Han har krope under kravet på 25,35 med 7/100.

Jørgen Jensen Axelsen (G18) skal alt springa 3000 meter og 2000 meter hinder i UM, men nærmar seg også kravet på 800 meter. Det er på 2:03,00 og Jørgen er no nede på 2:05,76 etter karusellen på Osterøy denne veka.

Så gler me oss til Gneist-debuten for osingen Eirik Karstad (G16). Han er absolutt UM-kandidat. Nærmast er han frå tidlegare i høgde, der han kom seg over 1,65 i fjor, noko som er fem centimeter under årets krav.

Stian Norheim (G15) er alt reiseklar på den opne distansen, 1500 meter hinder, men det er ei særs rimeleg forventning at Stian kjem seg under kravet på 2000 meter under Framolekene neste søndag.

Til sist: Til UM på Ravnanger i måandsskiftet august/september 2012 er like så godt heile 11 uøtvarar alt kvalifiserte. Utanom desse er seks utøvarar å rekna med, sidan dei er med på øvingar som har open påmelding. Ferskaste nyhendet for 2012 er at Ingrid Næss Johansen (J14) berre var tidelar unna kravet på 800 meter under Mailekene sist helg - framleis neste halvanna år unna UM-debuten sin utandørs. Ho sprang på 2:33,59 - medan kravet er på 2:33,00.

Påmeldingsfristen til årets UM er 16. august. Her skulle med andre ord vera muleg for Gneist å hiva inn ei øving eller to for ungdommar i samband med Gneistspelen, dersom det er utøvarar som då framleis er like før å kvalifisera seg.