Då er dei siste tala endeleg ute på nettet frå Holmenkollen. Det tok tid. Og "Denne siden eksisterer ikke"-meldingar dukka opp i ein mellomperiode før alt var klart.
No ja. Einaste pallplassen for BFG stod superveteran-laget for menn for, ein 3. plass. Så er det meir eller mindre slik at plasseringane blir hakket dårlegare jo yngre laga blir. Kvinnene sitt veteranlag blei til dømes nr. 4, seks sekund bak pallen. Hadde det vore omvendt, kunne me jo sagt at framtida såg lys ut. Men her er no likevel lyspunkt.
Elitelaget for menn klatra altså frå 17. til 16. plass. I år er i tillegg avstanden til vinnarlaget på 4:33, noko som er 23 sekund mindre avstand enn i 2010. Og i 2012 er det fleire Gneist-ungdommar som bankar på døra til dette laget, mellom dei ein englandsfarar og eit par av dagens konfirmantar.
Så har me utegløymt ein tredje Gneist-ungdom på tur denne helga: Hedda Magnerud sprang 9. etappe for BGF sitt elitelag. Ho fekk 12. beste etappetid av dei 18 laga.
Ole Martin Røssland hadde 17. beste etappetid på sin 14. etape for mennene sitt elitelag, medan Jørgen Jensen Axelsen gav det same laget ein fin start, då han veksla som 12. mann på opningsetappen.
DÅ er det sluttstrek for autstlandseventyret, medan me ventar på nye "Vårens vakraste..." osb. her vest, til dømes i Haugesund komande helg.
Ingen kommentarer:
Legg inn en kommentar