søndag 20. mars 2011

Sondre Rinde

Eg hugsar for eit par år sidan - eg hadde ei straffe-trening på Fana stadion ein søndag. På bortre langside var familien Rinde samla til sprint-trening. Alt då var det noko på gang. Eldstemann sine bravadar på Stange i helga er nok berre begynnelsen, 10-åringen Håvard gjorde det også godt (persa seinast på 60 meter søndag ettermiddag, til 10,03) og etter kvart kjem rekrutt Vegard...

G13-utøvaren Sondre Rinde har altså arbeidd godt i lang tid. Under Bamselekene kjempa han seg til siger og ny pers på 60 meter i går. I dag blei det ny siger på 200 meter - og ny pers på 27,45. I tillegg persa han seg til 4. plass i kule i dag. (Me har heller ikkje gløymt 4,60 i lengde frå lørdag.)

Kor godt er dette når alle dei beste samlar seg etter kvart? Det er vanskeleg å seia, men dersom me opnar det hemmelege arkivet og ser på G12-statistikken frå i fjor, så fortel det følgjande:

* Sondre var:
- nr. 12 i lengde
- nr. 9 i diskos
- nr. 8 i kule
- nr. 8 i landet på 60 meter
- nr. 5 på 200 meter
- nr. 4 i tresteg
- nr. 2 på 80 meter
- nr. 2 på 60 meter hekk
- nr. 1 på 200 meter hekk

... Og:  svært mykje tyder på at Sondre er i solid framgang!...
... Og (II): Med seg i G13 har han sterke kort som Casper Stenersen, Henrik Gravdal og Eirik Leikvoll. Det kan bli mykje Gneist under NCC-leikane første helga i september.

Ingen kommentarer:

Legg inn en kommentar