Me held fram med å studera startlistene til inne-UM neste helg. Og me held fram der me slapp i går, med J15 og med favorittar frå Gneist.
I lengde i J15 er det framleis Monika Benserud og Vilde Lund Bjørnsen som er Gneist sine deltakarar og samtidig favorittane i øvinga. I lengde er det Monika som på førehand er hakket framfor Vilde, ikkje minst etter heile 5,45 innandørs i Høiehallen i januar månad, som er klart beste resultatet i landet så langt i vinter. Monika hadde 5,28 ute i fjor og var med det nr. 1 også ute i Norge, med Vilde som ein god nr. 2. Ho enda på 5,14. Det er påmeldt 29 deltakarar i lengde i klassen. J15 er nok den klassen der Gneist på førehand kan ha størst forventningar.
På 200 meter i J17 er Hedda Magnerud påmeldt. Hedda har 28,25 frå utesesongen i fjor. Det er 26 påmelde i øvinga i klassen og Hedda vil kunna sikta seg inn på topp 20-plassering, i tillegg til å jakta på pers.
Så godt som det same kan seiast om Hedda sine sjansar på 60 meter i J17. Her er det 28 påmelde jenter. Hedda har 8,53 frå utesesongen i 2010.
Jakt på pers er det ein kan håpa på også for Anders Bjørndal når han skal forsøka seg på 60 meter i G16. Anders har 8,67 utandørs frå 2010. Det er ei stund sidan sist Anders forsøkte seg på sprint, så me er temmeleg usikre på sprintformen hans. Det er heile 34 påmelde gutar i øvinga.
Ingen kommentarer:
Legg inn en kommentar