Då er påmeldingsfristen til årets innandørs-UM i Ranheimshallen gått ut og me kan ta til å studera startlistene i Gneist-utøvarane sine øvingar. (UM går neste helg, 11. - 13. mars.)
Håvard Våge Opheim (G15) er påmeldt på 60 meter. Det er til saman 31 påmelde i denne øvinga og 96-årgangen har ei rekkje sterke sprintarar. Håvard har 8,39 frå utandørssesongen i fjor på distansen, ei tid han har forbetra til 8,31 inne i vinter. Ei ny persforbetring vil vera eit naturleg mål i Trondheim.
Håvard får med seg Magnus Leikvoll i høgde for G15. Her er det 14 påmelde deltakarar. Etter dei aller beste er det ganske tett. Ei topp ti-plassering for Håvard er absolutt eit rimeleg mål. Han er på førehand eit lite hakk framfor Magnus. Håvard har 1,52 som pers (og 1,50 inne i vinter), medan Magnus har 1,46 (1,45 inne i vinter).
På 200 meter i J15 er Vilde Lund Bjørnsen påmeldt. Det er heile 45 påmelde og Vilde er i utgangspunktet klar favoritt i øvinga. Ho var best i landet i 2010 med sine 25,71. Ho hadde klubbvennine Monika nærmast seg på statistikken. Monika er den einaste av dei som var topp ti i landet i fjor som ikkje stiller i denne øvinga.
Monika Benserud stiller til gjengjeld på 60 meter i J15, saman med Vilde. Her er det så mange som 49 påmelde, men det er rimeleg forventning at både Vilde og Monika kan kjempa om øvste trinnet på pallen på distansen. Vilde var best i klassen ute i 2010, med 7,91. Monika var 4. best ute i fjor. Men Monika toppar innandørsstatistikken med 7,87 frå innandørs-NM i same hall i februar.
Ingen kommentarer:
Legg inn en kommentar