mandag 28. mars 2011

Halvtårsløpet

Det er i alle fall håp om at snøfnugga som dansar i lufta utanfor er mellom dei siste denne vinteren. På den andre sida er det vel litt passande at sesongens siste vinterkarusell blir følgt av litt vinterleg ver. Men i kveld er det meldt om eit par plussgrader og opphaldsver til godt forbi målgang for alle deltakarar.

Deretter kjem regnet - og vinden og alt det der. Det skal visst vara fram imot påske. Etter påske blir det naturlegvis minimum 15 grader og strålande idrettsver fram til og med 28. september. Ja, for i dag er det nøyaktig eit halvt år til det som for mange vil vera avslutninga på sesongen, det som er no blitt det svært tradisjonsrike (blir tredje gongen i år) løpsstemnet til Gneist. Så medan me avsluttar vinteren med vinterkarusell, så er me samtidig i full gang på halvtårsløpet.

Og då passar det å presisera informasjonen om helgas KM i terrengløp i regi av Stord IL. Etter at påmeldingsfristen gjekk ut er ein fin ballett med etterpåmelde (mellom anna ein del av Stord sin eigne) komne med på lista. Dermed er deltakarskilnaden langt mindre frå i fjor enn det som det blei fortalt om i går: 13 færre deltakarar enn på Stend er siste oppteljinga og rimeleg god deltaking i mange klassar. Framleis aller best deltaking i G15, der Gneist har to med og der heile 12 skal kjempa om medaljane.

Ingen kommentarer:

Legg inn en kommentar