I dag blir det ein liten kunstpause før UM i form av ei kort oppdatering etter mandagens vinterkarusell. Det var dei færraste som klarte å persa mandag. Delvis var det vind å kjempa imot, delvis var det litt sleip slaps på sidene og delvis var det hestar (!) - alltid noko spennande å møta langs den traseen.
Det var såleis ingen frå Gneist som betra sine sesongbeste på 5 eller 10 km, sjølv om det var fleire gode løp, med Ingrid Næss Johansen sitt vinnarløp for kvinner 5km (21:17) og Casper Stenersen sin nesten-pers på 18:19 som dei aller kjappaste.
Denne sesongoversikten over beste tider er eitt element som framleis saknast i det nye resultatsystemet til Karusellen, samanlikna med det gamle. Ei fullverdig oversikt kjem me tilbake til etter sesongens siste løp 28. mars.
Det som derimot er kome på plass igjen hos BFG er Adelskalenderen over flest løp. Eg har kikka kjapt på den og leita etter kjentfolk. Det er godt muleg eg har oversett nokon i dagens Gneist-familie - mellom anna er det fleire alternative "klubbnamn" på lista - men englandsfararane i Iden-familien ligg godt an. Her er eit lite utdrag frå Vinterkarusellens adelskalender:
- Jon Iden 57 løp
- Andreas Iden 30 løp
- Stian Norheim 30 løp
- Jostein Lie 27 løp
- Trond Leikvoll (representing Norwegian Hull Club) 25 løp
- Ingrid Næss Johansen 24 løp
- Aleksander Lie 23 løp
- Renate Lie 23 løp
- Glenn Jensen Ryland 22 løp
- Ole Martin Røssland 22 løp
- Stian Aarvik 22 løp
Ingen kommentarer:
Legg inn en kommentar