Tidleg lørdag kveld i Ranheimshallen stiller Gneist med to stafettlag: 1000 meter stafett for J15-16 og same lengde for G15-16. Det er god påmelding til stafettane og her er ikkje enkelt å spå. Ein av grunnane til det er at sjølve samansetnaden av laga ikkje blir endeleg før same dag. Denne typen stafett er også spesiell i og med at dei enkelte klubbane skal setja saman 100 meter, 200 meter, 300 meter og 400 meter på best muleg måte. Samtidig er det ikkje å ta for hardt i å påstå at dei største forvetningane kan knytast til jentelaget.
Så gjenstår det - dersom me har fått rubbel og bit med oss no - tre øvingar med Gneist-deltaking som ikkje er nemnt.
I G15 har me ikkje vore innom stav enno - og det sjølv om det fort kan bli ei spennande øving å følgja med Gneist-auge. Det er seks påmelde i klassen og både Håvard Våge Opheim, som har persa til 2,87 i vinter, og Magnus Leikvoll, som ligg like bak med 2,82, er i høg grad i medaljekampen.På førehand er Håvard rangert som nr. 3 og Magnus som nr. 4.
Så, til sist, til J17 og til dei to startane for Synne Våge Opheim. Ho er påmeldt i tresteg og der må eg vera så ærleg at eg fastslår at eg ikkje veit kva Synne står for no i denne øvinga. Det er 12 deltakarar totalt. I stav er det berre fire deltakarar. Dei har alle gode resultat på førehand. Sjølv om Synne er rangert som nr. 4 av dei kan konkurransen bli spennande, sett i lys av den markerte framgangen ho har hatt i øvinga, ikkje minst gjennom denne innesesongen.
Ingen kommentarer:
Legg inn en kommentar