Farvel karusell

Medan arrangøren enno sorterer innkomande sms-ar og epostar med deltakarane sine eigne tider, så tar me med dette farvel med Vinterkarusellen 2010-2011. Eg stod, som alt nemnt, og tok tida på utvalde løparar i målområdet. Eg har for skams skuld inkludert BFG sin eigen Martin Cappelen Smith i min oversikt, med tida 17:15, som er sesongens 17. beste tid. Han er i skrivande stund enno ikkje registrert i det offisielle systemet.

Det har variert kva det har vore som har svikta, men det er - for å seia det varsamt - ikkje ofte at resultatservicen i det nye systemet har fungert knirkefritt. No ja, det er ikkje fritt for at ein kan høyra ein Arne Scheie i bakgrunnen her: "Hvordan er dette mulig i 2011?!" Nei, sei det.

Til idretten: Torstein Erichsen fekk tittelen "Årets trenar" på årsmøtet i Hordaland Friidrettskrets tidlegare i mars. Og Torstein er hovudmannen bak denne massemønstringa av løpstalent som Gneist har vist fram i fleire år alt og der 2011 kan bli eit nytt høgdepunkt - skal ein døma etter Vinterkarusellen.

Her er oppsummeringa:

Menn, 5km:
6. Jørgen Jensen Axelsen 16:33
16. Ole Martin Røssland 17:10 (frå siste karusell)
21. Aleksander Lie 17:38
24. Casper Stenersen 17:50 (frå siste karusell - fantastisk prestasjon av Casper. Dette minnar om Andreas Iden på same alder - og vel så det.)
36. Henrik Gravdal 18:26 (frå siste karusell - utruleg framgang for Henrik gjennom denne vinteren)
50. Stian Ø. Aarvik 18:53
70. Stian Norheim 19:28

Kvinner, 5km:
8. Renate Lie 20:19 (frå siste karusell)
11. Ingrid Næss Johansen 20:31
21. Anna Serine Røssland 21:50
30. Silje Stenersen 22:19

Menn, 10km:
22. Ole Martin Røssland 38:11
73. Stian Norheim 41:43

Kvinner, 10km:
8. Ingrid Næss Johansen 43:11
43. Anna Serine Røssland 51:12