Turné

Nokre av oss gler oss til eit nytt norgesbesøk på Bob Dylan's "Never Ending Tour". Til overmål kjem Bob denne gongen til Koengen - den 29. juni.

Om det ikkje er ein "Never Ending Tour", så er det ein del familiar som er i ferd med å legga ut på saftige friidrettsturnéar rundt om i inn- og utland dei komande vekene.

Familien Rinde, til dømes, starta no i pinsehelga med Bislett Games-sjåing og Donald Duck Games-deltaking. Det er sikkert gjævt på Donald Duck Games, men dei par åra arrangementet har vore i drift (sidan 2009), så har det vore eit lite mareritt for statistikkførarar: både sein service og med opptil fleire feil.

Så langt ligg berre resultatlista frå fredag 10. juni føre. Til gjengjeld gjorde brørne Rinde det særs godt den første dagen: Håvard (G10) fekk 11,88 på 60 meter hekk og persa til 2:06,23 på 600 meter. Sondre (G13) sette stemnerekord under Mailkene på 60 meter hekk. Då måtte han nøya seg med manuell tid; 9,5. Denne gongen betra han denne tida, no elektronisk og med 0,1 i medvind, til 9,58. Det gir 1044 tyrvingpoeng og då er det denne tida som utgjer Sondre sin klubbrekord i øvinga.

Og turnélivet held fram - til Tyrving, Veidekke, her og der i Sverige, til...