Til og med sola kom og varma lørdag ettermiddag på Nadderud. "Typisk Tyrving-vær" utbasunerte den glimrande speaker Jo Nesse. No ja, tenkte vel me, etter å ha opplevd dei fleste typar ver dei siste fire åra.
Eg tar ein pause i statistikkføringa og konstaterer nokre fakta nedanfor. Resten får stå igjen til heimturen er unnagjort...
Men: Stafettlaget til gutane i 4 x 60 meter stafett kom i mål på 31,70 i 13- 14 årsklassen. Det er godt og vel sekundet betre enn den gamle klubbrekorden frå 1998. På laget sprang Emil Engelsen Holm, Henrik Irgens Gravdal, Stian Øvergaard Aarvik og Sondre Rinde.
Sistnemnde, Sondre Rinde (G13), sprang også særs sterkt på 200 meter hekk, kom i mål - og vann - på 30,43, noko som gir flotte 1046 tyrvingpoeng.
Pål Haugen Lillefosse (G10) sprang i G11-klassen på 200 meter på særs godt vis, kom i mål på 31,27, noko som er verdt 960 poeng i tiårsklassen.
Uheldig med vinden var Anna Evensen (J11), som opplevde både + 2,1 og +2,2 på sine løp i dag, medan Kristoffer Blücher (G12) gjekk til topps (igjen!) på 200 meter med sterke 27,33, godt over sekundet framfor Henrik Gravdal sin klubbrekord frå i fjor, men dessverre med + 2,2 m/s i vind.
Og Eirik Leikvoll (G13) held seg rundt 50-51. Han hoppa jo 2,51 i stav hin dagen, tok 2. plass i stav i dag med 2,50 og persa på 60 meter frå 9,51 til 9.50 i dag...
Fleire gode prestasjonar og kuriositetar kjem i endeleg oppsummering.
Ingen kommentarer:
Legg inn en kommentar