Då er Framolekene i gang. Det blei ein mjuk start, både for utøvarar, publikum og statistikkførarar. På kvelden den første dagen er det eit lett snart-sommar-slør av lett skoddeyr som senkar seg over omlandet ved Nordåsen. Det blir snart vanleg "Framo-ver" og meir hektiske dagar der oppe på Fana stadion.
Først og fremst var dette hinder-dagen. Hinder er spesielt gjævt fordi det blir arrangert så sjelden. Til gjengjeld florerer det med persar, årsbeste, klubbrekordar - og til og med ein nasjonal rekord.
Då Anna Serine Røssland sette ny norsk aldersrekord på 1500 meter hinder i fjor haust, var det temmeleg klart at rekorden var på lånt tid. Renate Lie (J13) var topp motivert for å springa distansen ved første høve og det høvet fall på 14-årsklassen under Framolekene. 5:29,66 er den nye nasjonale rekorden - og til og med klubbrekorden... i klassen. Det er høgt opp på Richter's skala, men poeng på Tyrvingtabellen må Renate venta med på distansen til neste år. Til gjengjeld fekk Anna Serine poeng i år, for sitt løp på 5:41,27. Det gir 994 poeng. Det er også klubbrekord i J14.
Broder Ole Martin Røssland (G16) sneik seg så vidt ned på pers med 4:39,32 då han vann sin klasse. Han sneik seg også så vidt over 1000 poeng (1003) og sette klubbrekord i G16. Den gamle tilhøryde Jørgen Jensen Axelsen (no G18), som er blitt ein langt meir dugande hinderløpar no. 6:18,82 på 2000 meter hinder let seg høyra. det gir 984 poeng på tabellen, noko som plasserer han i godt selskap i "nesten-1000-poengsklubben-på-hinder", saman med nemnde Anna Serine og med Stian Norheim, som med eit solid løp i G15 persa ned til 4:51,99, som gir 978 poeng.
Ingen kommentarer:
Legg inn en kommentar