Sondre Rinde (G13) tok sitt andre gull, etter sigeren på 200 meter St. Hans-kvelden, då han vann korthekken, fredag ettermiddag. 9,67 i 2,2 sekundmeter motvind er eit nytt solid løp på 60 meter hekk av Sondre. No er det på eit stabilt høgt nivå.
Marianne Benserud (J16) var i elden for første gongen under 200-meteren. Og ho var ikkje verre på det at ho flytta persen ned tre tidelar, til 27,15. Det gir 922 tyrvingpoeng og er berre fem hundredel unna junior-NM- kravet. (Der er ho klar gjennom kvalifisering i andre øvingar alt. I junior-NM er det jo slik at er ein kvalifisert i éi øving, så kan ein i prinsippet delta i alt ein vil.)
Endeleg må me nemna Håvard Rinde (G10). Håvard kan nok bli god i mykje, men det er i alle fall rett å nemna han som endå eit kast-talent i Gneist, ved sida av Gjert Høie Sjursen (G11). Håvard betra persen sin med 2 kilos-kula til 7,41 i ettermiddag, noko som er verdt 934 poeng - som blir godt å ha med seg når lagserien skal gjerast opp på seinhausten ein gong.
Ingen kommentarer:
Legg inn en kommentar