I Torstein Erichsens rike

Aahh... Tenk om det hadde vore friidrettsstemne i dag... Men så er det onsdag og berre tid for karusellar rundt om, det er vel ein på Ravnanger?

Her i Oslo er det 22-23 fine grader. Det er nett så vidt vind. Og ein blir gjennomsveitt av ein tur i Torstein Erichsens rike - i og rundt Frognerparken. Det er litt urverkeleg å kjenna på sommaren igjen - og det er litt uverkeleg å lesa vermeldinga, til dømes for fredag. Om to dagar skal det nemleg bøtta ned. Bygdøy Allé skal gjerast om til ei elv og alle dei solbadande i parken blir dusjande i regn, så sant dei vågar seg utomhus.

Men me må jo utomhus, me må ta bussen heilt ut til Nadderud, der me får sjå kor jamn eller ujamn banen er. Der den er ujamn, blir dammane liggande det meste av helga.

Vel, vel, me får nyta finaveret så lenge me har det. Formen er fin, men det treng den også å vera, framfor ei hard helg på tribunen.