... men berre eg altså. Ein kan ikkje reisa til Oslo/Bærum utan å sjå litt av gater og streder. I dag har det vore ein slik dag. Me har flanert saman med Andreas og Jon Iden og er klare for framhaldet på Nadderud.
Ein flott opningsdag var det fredagen. Veret var vestlandsfint, til og med... Alle slåst til siste hundredel. Stian Øvergaard Aarvik (G14) følgde opp det gamle ordtaket med å "Slå svensken", slo svensken i sitt 600 meter-heat med to hundredel. Då får det våga seg at han kom 1/100 bak eigen pers denne gongen.
Aleksander Lie (G15) sprang ein flott 300 meter hekk, i sterk konkurranse. Han hadde håpa å hamna i besteheatet, men kreativ bokføring på "Årsbeste" frå fleire av konkurrentane hindra han i det. 42,51 gir likevel fine 1022 poeng og er Aleksanders første besøk i 1000-klubben i 2011.
Kristoffer Blücher (G12) tar stadig nye steg som 600 meter-løpar. Fredag kom han i mål på 1:43,35, noko som gjorde at han følgde opp Henrik Gravdal sin siger i klassen frå 2010!
Og Henrik Gravdal (G13) sjølv gjorde eit nytt kanonløp på 600 meter. Han sprang jamt fort heile vegen og kjempa konkurrentane i senk, til 1:33,95, 1014 tyrvingpoeng og sterk betring av eigen klubbrekord.
Ingen kommentarer:
Legg inn en kommentar