Byrkjelo

Komande helg er det årets første kretskamp for 13- og 14- åringar. Det går føre seg oppe hos NM-arrangøren (midt i august) i Byrkjelo, Nordfjord. Dei som møtest til dyst er Hordaland, Sogn og Fjordane og Møre og Romsdal. Det er åtte av øvingane under Sparebankleikane som inngår i kretskampen.

Kretskampen har lange tradisjonar og er eit godt første møtepunkt, før ungdommane møtest på ny under NCC-leikane på haustparten. Det er gjort ein del endringar i øvingsprogrammet under Sparebankleikane i år - og dermed under kretskampen. Det har mellom anna gjort at lengste øvinga er 600 meter, mot tidlegare 800 meter. Gneist er godt representert på Hordaland sitt lag. I tillegg finn me familien Leikvoll på plass under Sparebankleikane. Fleire av Gneist-utøvarane på kretslaget er også påmeldt andre øvingar i Byrkjelo til helga.

Her er Gneist sine utøvarar og øvingane dei skal delta i på kretslaget:

J13:
- Renate Lie (60m, 600m, lengde)
- Maren Haugen Lillefosse (60m, 60m hekk, høgde, lengde)
- Cathrine Harris (60m hekk, kule, diskos)

J14:
- Ingrid Næss Johansen (600m)

G13:
- Sondre Rinde (60 m, 60m hekk, lengde, kule)
- Henrik Irgens Gravdal (600m, 60m hekk, lengde)