Fantastisk haustver har prega denne september-helga. Renate Lie (J14) var mellom dei lure og fann seg eit banestemne, sjølv om ho då måtte heilt til Sandnes. Der sprang ho mellom ein sterk 100 meter på 13,28 (971 tyrvingpoeng).
Me andre måtte klara oss med Fanamilen som lokalt tilbod denne helga. Det blei ein fin tur. På sjølve Fanamilen var Bjarte Eikanger sterkast - eit solid løp av Bjarte. (Eg såg han gav alt då me møttest ved vending - på kvar vår side av Stend stasjon.)
Dei fleste av våre lokale håp sprang 5 km. For kvinner kom Ingrid Helene Nyhus heilt oppe på 2. plass. Visstnok er 5-kilometeren så lang som 5350m, så tida på godt og vel 21 minutt var absolutt brukande.
For menn tok Jørgen Jensen Axelsen 3. plass, medan Stian Øvergaard Aarvik held fram med å visa solid form og blei nr. 4. Erlend Gjerdevik Sørtveit og Jørgen Austvik følgde opp med 6. og 7. plass.
(Og underteikna kom nøyaktig 1 minutt bak målet på 45:00, men spurten var det klasse over... Det heldt til ein delt 131. plass...)
Ingen kommentarer:
Legg inn en kommentar