Gneist Junior-sjef Terje har gjort meg merksam på at 1000 meter-stafett- klubbrekorden for gutar 15/16 må vera ifrå 2005, ikkje først frå 2011 og så frå 2012, som tidlegare annonsert.
For alt den 4. september 2005, under UM i Moss, sprang ein Gneist-kvartett med 16-åringar heilt ned på 2:02,21. Det er ikkje berre klubbrekord, det er framleis gjeldande meisterskapsrekord for UM!
No kan eg ikkje anna enn å skulda på andre... - og underleg nok mangla denne rekorden på den lista eg fekk overlevert då eg overtok ansvaret for klubbrekordane for eit par år sidan.
Dei fire som sprang på laget på Melløs for sju år sidan var: Erik Hovlandsdal (solid sesong i Gular i år), Kristoffer Grindedal, Espen Liland og Marius Benserud.
Gratulerer med ny, gammal klubbrekord!
Ingen kommentarer:
Legg inn en kommentar