Det kjennest litt løye; eg har vore på dei siste seks ungdomsmeisterskapa, men denne gongen følgjer eg med via ulike infokjelder heime i Søvikheia. Lørdag har Heine og eg ei viktig trening i Høiehallen også. Eg kjem naturlegvis sterkare igjen på Lillehammer i september.
Det er knytt svære forventningar til troppen på 29 utøvarar - og fredagen starta gjengen med å innfri:
Sondre Rinde (G15) levde opp til forventningane og vann GULL på 60 meter hekk. det gjorde han med tida 8,77, som er betring av eigen klubbrekord med 6/100.
GULL blei det også på Monika Benserud (J17) i tresteg, med 11,63 (943 poeng). Det er også sju centimeter lengre enn Sandra Tennøy sin klubbrekord for 2005.
Monika fekk også med seg sølv på 60 meter hekk. Her blei tida til Monika 9,13.
Maren Haugen Lillefosse (J15) vann sølv på 60 meter hekk. Det var nett som venta, men Maren slo til med ny bestetid; 9,12: Det er tangering av Monika Benserud sin klubbrekord frå 2011!
Marianne Benserud (J18) blei nr. 4 i tresteg med 10,20 (780 poeng). Det er godt over halvmeteren betre enn gjeldande klubbrekord i Gneist i aldersklassen (Ingrid Flesland, 9,65 frå 1997).
Så, medajefasiten etter dag 1 er såleis:
2 gull, 2 sølv, 0 bronse.
(Det er såpass bra fangst første dag at eg minnar om total-tipset til Bloggen: 6 - 10 - 5...)
Ingen kommentarer:
Legg inn en kommentar