Før inne-UM - VIII

Då er me komne til siste runde med Gneist-utøvarar til inne-UM - og i dag vankar det nokre sikre medaljar.

Først i dag til gutar 15 og til lengde: Her er det mange jamne utøvarar mellom dei 22 påmeldte. Sondre Rinde er definitivt utfordrar til medalje. Aller sterkast på papiret er Toralv Opsal (Ålesund), Christopher Lawther (Fana) og Henrik Skulevold (Sandnes).

På 60 meter hekk, derimot, er Sondre klar favoritt. Nærmast imot blir truleg Vetle Sørstrand Haugen (Florø) og Vegard Hope Bjørge (Eiker-Kvikk). Til saman 9 utøvarar er påmeldt i hekk.

Klar medaljesjanse har også Eirik Leikvoll i høgde, gutar 15. Her det 14 med. Eirik er rangert som nr. 4 på førehand, men det er tett bak medaljekandidatane. Berre Toralv Opsal (Ålesund) er klar favoritt. Andre topprangerte er Mathias Wester (Overhalla), Håvard Sæther Pedersen (Haugesund) og Erik Solbakken Ring (Gausdal).

Den siste øvinga for gutar 15 er stav og her er det spesielt tynt på lista, nemleg berre to deltakarar, og Eirik Leikvoll skal såleis vera sikra medalje. I utgangspunktet er han også sikra sølvmedalje, sidan Audun Bakke Jensen (Koll) er klar favoritt.

Heilt til sist to medaljeøvingar også for broder Magnus Leikvoll i gutar 17: I begge øvingane er Magnus sølvkandidat mellom dei tre på startlista: I kule er Thor Olav Rosvold (Asker) soleklar favoritt, framfor Magnus og Joachim Heier (Laksevåg). I stav er det Jonas Bergkvist Melå (Moelven) som er (ikkje fullt så) klar favoritt, medan det er heilt jamnt mellom Magnus og Jon Simen Mangseth Hilstad (Moelven) om andreplassen.