Vind i Lonevågen

Nokre sprintarar frå Gneist hadde teke turen til Lonevåg og karusellstemnet der onsdag kveld. Habile løp var det både på 100 meter og 200 meter, men dessverre var det for mykje vind på dei aller fleste sprint-heata.

Dette råka til dømes Pål Haugen Lillefosse (G11) sin 100 meter på 14,34 (+2,5) og Michelle Floor Heggeland (J13) sin 200 meter på 28,51 (+2,8).

I tillegg var Andreas Iden (G17) med som harehjelp, saman med BFG-kollega Erlend Gjerdevik Sørtveit, i eit forsøk på å få Anders Strømblad Hansen under kravet til junior-NM. Anders var særs nære på 1500 meter i Gøteborg for ei god veke sidan. Denne gongen var forsøket gjort på 3000 meter, sidan passeringstida på 3000 meter var godkjent under det som eigentleg var eit 5000 meter-løp. Anders gjorde eit iherdig forsøk og passerte 3000 meter på i høg grad godkjende 9:20,96 - dessverre seks sekund bak kravet på 9:14,99. (Resten av 5000 meteren gjekk langt meir bedageleg; slutt-tid like under 20 minutt...)