Sommaren kom for fullt til Göteborg 2. dag av Världsungdomsspelen. Og Gneist-resultata heldt fram med å imponera:
Først og fremst var me vitne til ein svær 200 meter av Kristoffer Blücher (G13). Søvvinnaren kom heilt ned på 24,92 på distansen. Det er over sju tidelar betre enn gamle-persen, som også var den gamle klubbrekorden. Tida gir 1091 tyrvingpoeng
Renate Lie (J14) sprang ein flott 300 meter i J15-klassen søndag føremiddag. Tida blei 42,20, som gir heile 1060 poeng.
Vilde Lund Bjørnsen (J16) er i høg grad "på gang" og i stadig betring. På 200 meter enda ho opp med 25,69 i finalen, som er årsbeste og verdt 1035 poeng.
Sondre Rinde (G14) har vist flott form i helga og klarte 14,42 på 100 meter hekk, denne gongen med 84-hekkar. (Og då har Sondre klubbrekorden på distansen, både med 91- og 84-hekkar.)
Monika Benserud (J16) persa i tresteg i ein tøff konkurranse. Det blei 11,71 på Monika (981 poeng).
Ingrid Næss Johansen (J15) sletta Ingrid Helene Nyhus sin klubbrekord på 2000 meter, då ho kom seg under 7 blank og presterte 6:55,77 (960 poeng).
Anna Evensen (J12) persa på 200 meter til nøyaktig 30,00 (883 poeng). Og det same gjorde Thomas Blücher i G12: Noko i skuggen av storebror Kristoffer persa Thomas med nesten sekundet til 29,09 (873 poeng).
Ingen kommentarer:
Legg inn en kommentar