Det er særs gledeleg at osingen Målfrid Pettersen Lunde er klar for å springa i junior-NM - etter ein lang periode med skadetrøbbel. Målfrid skal springa 800 meter, med forsøk fredag kveld og finale neste søndag. Målfrid utesesong-debuterte på 2:25 i Strandebarm nyleg - og er i gang igjen. Det er 28 påmeldt øvinga og Målfrid må berre jakta på ny framgang. Her er mange sterke løparar - ikkje mindre enn fire på 2:11 i år (Frida Berge, Gular, Aurora Dybedokken, Tyrving, Frida Thorsås, Urædd og Veronica Undseth, Herkules). Den andre BFG-jenta på 800 meter er Elina Drivenes. Ho har vore nede på 2:21,30 i år og er rangert som nr. 20 på førehand. Eit anna 20-tal - 2:20 - er vel eit naturleg mål for Elina.
På 400 meter i U20 har BFG med Christine Bjelland Jensen og Vilde Lund Bjørnsen - og begge to skal vera å rekna med i det øvste sjiktet. Julie Håskjold (Trondheim) og Vilde Svortevik (Gular) er sterkaste på førehand, men Vilde er rangert på 4. plass og Christine på 5.
Heilt mot slutten av meisterskapet skal Anna Serine Røssland få sin debut på 2000 meter hinder. Her er det berre fem jenter påmeldt, men i alle fall tre av dei er særs sterke: Frida Berge (Gular), Kristine Helle (Tjalve) og Heidi Mårtensson (Modum). Sistnemnde tar dagsturen innom eins ærend til hinderløpet frå nabokommunen Modum. Femte jente på startstrek er Marte Hjortland Hundhammer frå Norna-Salhus, så her ser me vel for oss ein lokal duell om 4. plassen.
Ingen kommentarer:
Legg inn en kommentar