Sjuande og siste bolken med førehandsvurderingar før junior-NM til helga tar for seg to hopp-øvingar for gutar U20 og ein langdistanse for jenter U20:
Thomas Langhelle Trefall er BFG-representanten i tresteg og høgde. Det som er litt spesielt er at det er ein 16-åring som er favoritt i begge øvingane, nemleg Karsten Warholm frå Dimna. På papiret er sjansane til Thomas best i tresteg. Der er han fjerde-rangert på førehand av dei åtte påmeldte. Thomas har 13,35 i år, knapt ein meter bak favoritt Warholm. Opp til dei andre medaljefavorittane er det ikkje så langt. I høgde har Thomas 1,85 i år, medan Warholm har 2 meter. Også her er det rimeleg jamnt elles.
På 3000 meter for jenter, U20, er det 11 utøvarar påmeldt. Ei av dei er Ingrid Helene Nyhus, som har sprunge tre 3000 meterar i år og betra tida si med om lag to sekund i både løp to og tre. Ho er no komen ned på 10:41,98, som er sjette beste tida i dette feltet på 11 utøvarar. Det er fire 9 minutts-løparar på startlista, med junior-VM- deltakarar Karoline Skatteboe frå Tyrving som på førehand den sterkaste.
Ingen kommentarer:
Legg inn en kommentar