Amund Høie Sjursen

Så har endeleg vindforholda vore med Amund Høie Sjursen på 100 meter! Det skjedde i Helsingborg søndag, då Amund smadra den offisielle persen sin på distansen - frå 11,85 til 11,41. (Han har vore nede på 11,32 med for mykje medvind.)

Dette er endå eit bevis på at Amund har teke svære steg som sprintar. Løpet er verdt heile 1049 tyrvingpoeng og det er ny klubbrekord i Gneist. Den gamle med elektronisk tidtaking hadde Espen Liland, på 11.46 frå 2005. Tre utøvarar har også stått med 11,4 manuelt - den eldste av desse blei sett i 1963 (!).

Öresundspelen i Helsingborg er starten på Sverige-turnéen for familien Sjursen. I Göteborg komande helg møter dei på ein bunke Gneist-arar til.

Og, la det vera sagt: Om tidlegare meldingar frå denne bloggen har gått i retning av at regnkler og paraply burde leggast igjen heime, så kjem det ei kontramelding her til dei som skal reisa austover: Ta med to-tre sett med regnkler og gjerne ein lynavleiar i tillegg...