Godsaker også i Strandebarm

Til hotellrommet her i Göteborg har resultatlista frå sjølvaste friidrettsfestivalen i Hardanger falle ned i epost-kassen. Også her har det vore Gneist-utøvarar i ivrig kappestrid - og opptil fleire av dei har fått persar og årsbeste:

Cathrine Harris (J14) oppnådde årsbeste i tresteg. Det blei 10,38 på Cathrine (958 poeng). På 100-meteren sprang ho på 14,24 (817 poeng).

Kristian Schjønningsen (G13) hoppa til 10,48 i tresteg og betra seg med det med fem centimeter (938 poeng). På 200 meter kom Kristian i mål på 28,21 (812 poeng).

Ingrid Helene Nyhus (J15) fekk sin offisielle debut på 800 meter lørdag - og det gjekk strålande. Heilt ned på 2:25,81 på kom ho - og dermed er Ingrid Helene også formelt kvalifisert til UM... På 3000-meteren søndag heldt ho fram med på pynta på persen med slik om lag to sekund ved kvart høve; starta med 10:46, heldt fram med 10,44 og no blei det 10:41,98.

Herman Hovland (G13) betra seg monaleg på 200 meter, då han kom seg heilt ned til 27,29 (i god motvind); verdt 890 poeng.

Og så tar me til sist med at Michelle Floor Heggeland (J13) fekk sin 800-debut, tid: 2:38,63.