I skrivande stund er det så godt som nøyaktig éi veke igjen til den offisielle starten på årets junior-NM i Prestfoss i Sigdal kommune, Buskerud. Rettnok skal det tevlast mykje i om lag fire timar før den offisielle opninga fredag - med 1500meter-jentene aller først i elden.
Neste lørdag morgon skal jentene på 200 meter i U20 i elden på sine førsøksheat. Her er det 4 BFG-jenter med og to av dei må seiast å ha finalesjansar (finalen går neste søndag). Christine Bjelland Jensen har med si tid på 25,45 den 7. årsbeste-tida av dei 48 påmelde. Ikkje langt bak der - med 9. årsbeste - følgjer Vilde Lund Bjørnsen med 25,69 som årsbeste (og 25,51 som pers frå i fjor). Elina Drivenes er rangert på 34. plass med 27,04, og siste BFG-jente på startlista er Elise Una Mikkelsen, som er 38. rangert på førehand med sine 27,23 i år.
Så, til sist i dag, er me komne til U20 for gutar sin 5000 meter, der det også stiller heile 3 frå BFG i eit felt på 18 utøvarar. Her skulle det med andre ord vera muleg å samarbeida i alle fall i store delar av løpet. Éin utøvar skil seg ut som nokolunde klar favoritt (Jørgen Frost Bø frå Ullensaker/Kisa). Bak der er det vel berre to-tre av dei resterande 17 som normalt ikkje er i medaljesjiktet, så dette kan fort bli særs jamnt. Basert på årsbeste er Jørgen Jensen Axelsen rangert på 3. plass (etter sigeren i G19 i Gøteborg), Ole Martin Røssland på 4. plass og Andreas Iden rettnok på 13. plass, men tett,tett på i det store beitet der alle er outsiderar til medalje.
Ingen kommentarer:
Legg inn en kommentar