På biletsida stel denne bloggen som ei god gammaldags ramn. Denne gongen hentar me frå eit dagsfersk foto teke av mamma Gravdal av dagens fremste mann, Henrik Irgens Gravdal.
Henrik sprang på imponerande 3:54,76 på sin 1500 meter. Dermed er han kvalifisert til NM på sin andre distanse. Han er også tett opp til Geir Søgnebotten sin kretsaldersrekord i G17. Men rekordar blei det: I tillegg til betring av eigen klubbrekord i G17, så sletta Henrik med dette segnomsuste Rodgeir Vigestad sin U20-rekord i Gneist, sett tilbake i 1983 (3:55,49). Henrik sin gamle-pers (to veker gammal) var på 3:57,62. Colombia next!
Norsk aldersrekord blei det i G14 - igjen, denne gongen på 80 meter. Først var det Andreas Haara Bakketun, som gjekk under den gamle med eitt hundredel, då han sprang på 9,49 i forsøket (Fana sin Filip Bøe hadde den gamle frå i fjor). Så slo Pål Haugen Lillefosse til og betra denne igjen til 9,37 i finalen. Han blei rettnok slegen der, men vinnaren sette like så godt ny VUspel-rekord, så her var det kvalitet.
Håvard Rinde slo til med ny spyd-siger i Världsungdomsspelen i G14. Han betra også eigen klubbrekord - og nådde nesten 50 meter-barrieren: 49,92!
Gjert Høie Sjursen sette ny klubbrekord på 80 meter i G15, med sine 9,87. Der hadde Sondre Rinde den gamle (10,14) frå 2013.
Så til sterke persar:
Anders Bjørndal sprang eit nytt kanonløp, denne gongen på 1500 meter. Han senka persen sin frå 4:07,62 til 4:01,40!
Thomas Blücher overbeviste stort og vann sitt heat på 800 meter. I tillegg senka han persen frå 2:10,1 til 2:06,56.
Og, til sist, var det spenning rundt 1500 meter-starten til Eline Myking, men ho stilte og tok ein flott 3. plass i flickor 19. I tillegg blei det knepen utepers med 4:42,52, rett bak innebeste på 4:42,35.
Ingen kommentarer:
Legg inn en kommentar