søndag 8. mars 2015

Medaljefesten fullbrakt - inne-UM dag 3

Det blei eit jamt tilsig av Gneist-medaljar under inne-UM i Ulsteinvik i helga. Nokolunde jamt fordelt mellom dagane var også medaljetilfanget. Siste dag brakte 3 gull, 4 sølv og 1 bronse. Mellom gull-vinnarane var Sanne Myrmel, som no har vunne tre av tre mulege UM-gull i stavsprang.



Her er søndagens oversikt:

GULL
- Sanne Myrmel vann altså stav i J16 - med eit vinarhopp på 2,90.
- Monika Benserud gjekk til topps i lengde i J18/19 med 5,75.
- Henrik Irgens Gravdal følgde opp 800-gullet i G17 frå lørdag med ny siger søndag, denne gongen på 1500 meter, med tida 4:10,14.

SØLV
- Laget på 4 x 200 meter i G15-17 for gutar. Laget bestod av Jakob Jamt Ånonli, Gjert Høie Sjursen, Kristoffer Blücher og Henrik Irgens Gravdal. Tida 1:36,29 er også ny klubbrekord, godt og vel sekundet betre enn det Gneist-laget sprang på i inne-UM i fjor.
- Kristoffer Blücher på 200 meter i G16. Kristoffer si tid blei lett hugsbare 23,23. Kristoffer har 23,21 utandørs, men dette er ny innepers.
- Ingvild Myking blei nr. 2 på 1500 meter i J16, men vinnartida til Ingvild blei uhyre sterke 4:38,41. Dette er ny innomhus klubbrekord i Gneist. Namnesøster Eline hadde den gamle frå Pingvinlekene. (Det er også tre sekund betre enn J16-rekorden i Gneist, sett i 1981...)
- Og fjerde sølvet var det nettopp Eline Myking som vann på 1500 meter i J18/19. Tid: 4:43,72.

BRONSE
- Uhyre sterk tid, sjølv om det "berre" blei bronse,blei det også på Stian Øvergaard Aarvik på 1500 meter i G18/19. Stian sprang heilt ned på 4:03,42, som er ny klubbrekord innandørs, nesten to sekund raskare enn Espen Roll Karlsen si tid frå Pingvinlekene. Tida er pers med sju sekund for Stian.

**

** Thomas Blücher knuste 1500-persen sin, då han fekk tida 4:41,42 i G15.

** Henrik Almenningen blei nr. 4 i lengde i G18/19 med ny innepers, 6,28, éin centimeter bak utepersen.

** Elina Drivenes debuterte på 1500 meter på glitrande vis. Ho blei bnr. 6 i J18/19 med 4:58,76.

** Gjert Høie Sjursen fekk nye innepers med tida 24,40 i sitt 200 meter forsøk-omløp tidleg ein søndag morgon.

***

Medaljekampen: Her yppa Gneist seg heilt i toppen, saman med Sandnes og Dimna. Om eg ikkje har mista teljinga, så enda Gneist altså på 9 gull (som eg tippa før helga) og på 23 medaljar totalt - to færre enn tipset. Både Sandnes og Dimna hamna også på 9 gull, medan Sandnes slo til med 24 medaljar. Ingen andre var i nærleiken i total medaljefangst.

Ingen kommentarer:

Legg inn en kommentar