På frammarsj

Ein minivår og minisommar  ligg over oss - og den starta rett før Opningsstemnet til BFG på Fana Stadion tirsdag ettermiddag og kveld. Det var rett og slett strålande forhold for springing - og det utnytta opptil fleire av utøvarane. Kvelden gav ei flott rekke med gode resultat:

Henrik Irgens Gravdal (G15) er vårt svar på Sandnes sin friidretts-Henrik. Tirsdag kveld sletta han legendariske Rodgeir Vigestad sin klubbrekord frå 1979 (!) på 1500 meter. Med 4:07,12 slo han den med tre sekund, like godt. Det gir 1090 tyrvingpoeng. Tida er 15. beste i landet gjennom alle tider i årsklassen og 4. best i Hordaland - og enno er det mange løp igjen i 2013.

Stian Øvergaard Aarvik (G16) var godt nede på 8-talet på 3000 meter innomhus. Denne gongen blei det berre nesten 8. Han stoppa på 9:00,92, solid utepers og heile 1029 tyrvingpoeng.

Strålande løp var det også av Amund Høie Sjursen (G17), som med 11,37 på 100-meteren framleis nærmar seg hovud-NM- kravet også i denne øvinga. Løpet var verdt 1022 tyrvingpoeng, men det er også ny klubbrekord i G17 i Gneist. Den gamle hadde Kjetil Espetvdt, på 11,41, sett i 1988. Prestasjonen er også den beste i BFG så langt i 2013 - utanom USA-farar Martine Eikemo Borge.

Renate Lie (J15) sprang ein glitrande 800 meter, der ho kom i mål på 2:18,49 (1000 tyrvingpoeng).

Pål Haugen Lillefosse (G12) sprang 200 meter på 27,84 (979 poeng).

Anna Serine Røssland (J16) sprang sin tredje 3000 meter. Andre gongen persa ho med 25 sekund, denne gongen "nøya" ho seg med 23. Det enda på 10:42,01 (960 poeng).

Erlend Gjerdevik Sørtveit (G19) jaktar på fleire grenser i år - både 2 minutt på 800 og no også 4 minutt på 1500 meter. Tirsdag kveld blei det 4:05,68 (960 poeng).

Ole Martin Røssland (G18) persa med nye tre sekund frå inne-UM i Steinkjer, då han sprang på 4:11,96 på 1500 meter (930 poeng).

Det var eit nytt solid løp frå Jens Larsen Åstveit (G16) på 1500-meter. No er han heilt nede på 4:24,12 (915 poeng), og det er ingen grunn til å tru at det stoppar der.

André Seliussen (G12) er i gang også ute på 1500 meter. Denne gongen blei det 5:07,54 (905 poeng).


Emil Engelsen Holm (G16) sprang 200 meter på 24,63 (903 poeng) og 100-meteren sin på 12,58 (850 poeng).

Sondre Rinde (G15) kom i mål på 25,41 på 200 meter (880 poeng) og 12,69 på 100-meteren (874 poeng).

Anna Evensen (J13) sprang 200 meter på 29,24 (879 poeng).

Eline Myking (J16) følgde opp inne- og terrengformen med 2:24,20 på 800 meter (877 poeng).

Andreas Iden (G18) fekk det tungt mot slutten på 1500-meteren sin, men kom i mål på 4:19,66 (876 poeng).

Det blei ein solid ny 800-pers på Thyra Hevrøy (J16). Ho kom i mål på 2:25,51 (859 poeng).

Og då spurtslo ho Ingrid Næss Johansen (J16), som også persa godt på 800-meteren - til 2:25,51 (857 poeng).

Vegard Albrigtsen (G15) sprang sn 1500m-debut i vind og regn på Osterøy mandagskvelden. Tirsdag fekk han flotte forhold på heimebane og persa solid, til 4:41,87 (846 poeng).

Anders Strømblad Hansen (G19) leverte ein godt gjennomført 800-meter på 2:03,43 (830 poeng).

Nora Øvergaard Aarvik (J14) sprang sin 200 meter på 29,34 (825 poeng).

Vilde Omholt (J18) fekk solid pers på favorittdistansen, 800 meter, også ho: 2:26,50 (797 poeng).

Og så tar me med Thomas Blücher (G13) sin fine 800 meter på 2:20,21. Det blir ikkje utdelt tyrvingpoeng i øvinga i 13års-klassen, men dette var eit godt løp, Thomas!