Før Mailekene

Det er jo veldig kjekt, naturlegvis, at det er eit rush av banedekke-legging på friidrettsbanar rundt om. Det kan ein sjølvsagt ikkje klaga på - i seg sjølv. No er det slik at dette arbeidet krev nokolunde stabilt finaver og då blir det straks verre.

I fjor opplevde me at Stord ikkje fekk lagt sitt nye dekke i tide, slik at Stordleikane måtte avlysast.

I Haugesund har det vore store omveltningar sidan sist me var på Mailekene, på gamle Haugesund Stadion, for nesten eitt år sidan. Haugesund Stadion er blitt til ein rein fotballstadion og den nye banen på Haraldsvang, like ved innomhushallen i Haugesund, skulle etter planen stå klar til årets leikar i byen.

Det gjer den ikkje. Og årsaka er den same som på Stord i fjord: Ein har ikkje fått verforhold gode nok til å få dekket lagt på nyebanen.

Løysinga er blitt at dei tradisjonsrike Mailekene er flytta over på hi sida av Karmsundet, til Torvastad på Karmøy. Og det er, skal me tru arrangøren, inga dårleg erstatning. Banen på Torvastad fekk nemleg nytt dekke i 2012, har åtte løpebanar, og tribune der det blir skikkeleg tett og koseleg (plass til 100 personar...). Garderobetilbod er her også. Parkeringsplassar finst det om lag 100 meter frå banen.

Så dette blir bra. Siste eg har høyrt er at arrangørstaben arbeidar tett opp mot meteorologane for å byggja opp eit solid høgtrykk. Det blir ikkje klart til den 17., men slik uti pinsen så skulle det vara klart - seiest det.

Og årets Mailekene går 1. og 2. pinsedag - altså komande søndag og mandag.

Og dette er dei påmelde frå Idrettslaget Gneist til storhendinga på Torvastad (10 år og eldre):

J13
- Anna Evensen (60m, 200m, 60m hekk, lengde)
- Silje Stenersen (800m, J14, 1500m, J14)

J15
- Renate Lie (100m, 800m)

J16
- Elina Drivenes (800m)
- Thyra Hevrøy (800m, 1500m)
- Ingrid Næss Johansen (800m, 1500m)
- Anna Serine Røssland (800m, 1500m)

G12
- Håvard Rinde (60m, 200m, 60m hekk, lengde, kule, liten ball)

G13
- Thomas Blücher (60m, 600m)

G14
- Kristoffer Blücher (60m, 800m, 80m hekk, lengde)

G15
- Eirik Leikvoll (lengde)
- Sondre Rinde (100m, 200m, 100m hekk, lengde)

G16
- Henrik Irgens Gravdal (800m, G17, 3000m, G17)

G17
-  Magnus Leikvoll (høgde)
- Aleksander Lie (100m, 800m)
- Stian Norheim (3000m)

G18/19
- Ole Martin Røssland (800m, 3000m)