Strandebarm!

Først i denne bloggen: tusen takk til mammo for kost og losji i vårt kvinnherske overnattingsdøger på veg til UM/NM i terrengløp i Strandebarm.

Mammo er god på kost og losji. Kvifor? Jo da, fem ungar og 11 barnebarn har no hjelpt på, men før det var det eit år på husmorskulen. Kor? Jo da, ganske rett i Strandebarm.

Husmorskulen er no blitt sportell og er eit slags sentrum i idrettsanslegget i bygda. Og denne helga går altså UM/NM i terrengløp der.

Lørdag var det individuelle konkurransar, med mange flotte resultat. Gjævast var det nok med to medaljar i Jenter 15, for Ingrid Næss Johansen (sølv) og Ingrid Helene Nyhus (bronse). I "Team Kristin Størmer Steira" (ho som er kjent for sine mange plassar rett utanfor pallen i langrenn, de veit) hamna ungdommane i baksetet i Caravelle'en - Ole Martin Røssland (G17) og Anna Serine Røssland (J15), medan Stian Øvergaard Aarvik (G15) debuterte i denne typen konkurranse, med ein 4. plass også han.

Gneist elles:
- 6. plass til Andreas Iden (G17)
- 8. plass til Jørgen Jensen Axelsen (Junior - G18/19)
- 15. plass til Stian Norheim (G16)

BFG elles:
- 5. plass til Pernille Thomassen (senior)
- 24. plass til Espen Roll Karlsen (senior)
- 30. plass til Jørgen Austvik (senior)
- 33. plass til Bjarte Eikanger (senior)

Strandebarm elles:
- 1. plass for eit framifrå arrangement: Fantastisk entusiasme, grundig førebuing og gjennomføring frå 60 funksjonærar (halve bygda?) og flagget til topps i heile området som om konfirmasjonstida alt var i gang.