Då snudde det seg heilt i duellen mellom Frode Johansen og Åslaug Golf Kaardal i andre halvdel av Bergen City Marathon. Kaardal var i mål på 2:59.56 og blei klart beste kvinne med det. Frode fekk 3:01.08, altså 1 minutt og 12 sekund bak, etter å ha vore 2.14 framfor etter halvmaraton-passering. Frode blei altså likevel best av mennene i tidenes første Bergen City Marathon. Ungguten Håvard Austevoll kom heilt oppe på 22. plass, med tida 3:27.49. Nr. 48 blei Per Gunnar Alfheim på 3:41.36. Edna Leikvoll blei nr. 52, med 3:43.10.
BFG-siger blei det også i halvmaraton: Her var Miguel Blanco raskast, med 1:11.43. Med det var han 51 sekund framfor andremann. Bjarte Eikanger blei nr. 4 på 1:14.30. Torgeir Hasås var 9. mann i mål på 1:22.22. Bjørn Tore Kronen Taranger blei 28. mann med 1:26.20, medan Marlen Røssland halvmaraton-debuterte på høgst respektable 1:48.57 - 281. plass av alle.
Ingen kommentarer:
Legg inn en kommentar