Eit mellombels steg tilbake

No kan eg føya Sjøkrigsskole-stafetten til min militære karriere - ved sidan av sesjonen og tre Haakonsvern-løp...

No ja. Det var eit flott arrangement der ute på Gravdal-traktene, sjølv om det var unødvendig å skru på regn-dusjen nett ved løpsstart.

BFG Fana og Gular er duellantane i denne stafetten (som sikkert i eit par til utover våren): I fjor vann BFG det meste, i år var det Gular sin tur.

Men også dersom ein ser på tider, så er det eit lite tilbakesteg for BFG-laga:

Senior, damer
2011: 26:46
2012: 27:23 (37 sekund bak)
Vinnarane frå Gular sprang på 26:29

Junior, damer
2011: ikkje med
2012: 27:13

Senior, menn
2011: 21:32
2012: 21:53 (21 sekund bak)
Her står BFG framleis med løyperekorden etter gjenopptakinga av stafetten i fjor; årets vinnarlag, Gular, sprang i mål på 21:46.

Junior, menn
2011: 21:33
2012: 22:05 (32 sekund bak)
Vinnarlaget frå Gular, som kom først av alle i stafetten, sprang på 21:18.

Alle BFG-laga var likevel tett befolka med ungdommar. Juniorlaget til Gular for menn hadde nok ganske klart høgare snittalder enn BFG sitt. Og at junior-damene til BFG slo senior-damene, ja det fortel også om at sterke saker er på veg frå BFG Fana sin løpargjeng i tida som kjem.


... Også veteranane (menn) sprang noko saktare i år, men kan i alle fall skryta over at dei hadde den minste differensen frå fjorårstidene av BFG-laga (24:26 i år, mot 24:19 i fjor)...