Den flotte formen for Martine Eikemo Borge held fram på 800 meter. I innesesongen blei det fleire særs gode løp, med 2:05,41 som det beste. No har ho teke til med ein serie med pyntingar av utepersen også.
Ho starta med 2:07,76 og har i helga følgt opp med 2:06,54. Det skjedde på heimebane i Fayetteville i Arkansas. Dermed er Martine under sekundet bak Veslemøy Hausken sin klubbrekord for senior i BFG, men det er ny klubbrekord i JR-22, der Grethe Slettom hadde den gamle, sett i Tønsberg i 1993 (2:06,73).
Og - sjølv om den sikkert er komen lengre i Arkansas-traktene - så er våren enno ung.
Ingen kommentarer:
Legg inn en kommentar