Komande tirsdag, den 21. august, er det annonsert storoppgjer mellom tre framståande veteranar på 800 meter. Det skjer under Norna-karusellen på Fana Stadion.
No er det sikkert andre utøvarar som kjem til å stilla på 800 meter, men dei blir nok fort gløymde i denne samanhengen. Dei tre som skal duellera, først og fremst, er: Morten Seliussen, Petter Gregor Rasmussen og Jostein Lie.
Morten og Petter er ungdommane i feltet, medan Jostein er veteran-veteranen, fem år eldre enn dei to andre.
Men i vinter opplevde me at dei alle tre oppnådde 2:24-løp innomhus. Det skjedde dessutan i tre heilt ulike løp: Petter var først (2:24,63) under Gneist sitt romjulsstemne, så sprang Morten fortare (2:24,00) under Nornalekene først i januar, medan Jostein hadde stor suksess under veteran-NM midt i mars (2:24,95).
No har både Petter (2:21,57) og Morten (2:19-talet; resultatet frå Strandebarm er framleis ikkje offisielt klarert, så vidt eg veit) sprunge fortare ute, medan Jostein driv og samlar absolutt alle krefter til dette eine løpet, 800-meteren komande tirsdagskveld.
Eg veit ikkje kva dei tre det gjeld gjer, men me andre gler oss!
I vår interne veterankonkurranse gjekk Geir Sjursen til topps førebels i år etter sin 100-meter på 12,72 under førre Norna-karusell. Jostein Lie ligg på andreplass, medan Kjersti Bjørndal innehar tredjeplassen, etter å ha pynta på si 60-meter- tid frå innandørssesongen.
Ingen kommentarer:
Legg inn en kommentar