Veterankonkurransen 2014

Om fire dagar arrangerer Gneist sitt hopp utan tilløp-stemne - ein del seinare enn vanleg. På dette stemnet er det ein viss tradisjon for at ein del menn (ja, det er vel ikkje sjeldan det er kvinner - så langt er det vel meir som aldri) over 35 år stiller både i bortover- og oppover-hopping utan fart. Og dermed plukkar dei også poeng i Veterankonkurransen.

Denne konkurransen blei jo ganske klart vunnen av Bjarte Eikanger i 2013. Han har slite med skade ei god stund no, men før det plukka han nok poeng til å trona på toppen etter innesesongen (sett bort frå det nemnde hoppstemnet):

1. Bjarte Eikanger 1046 poeng

2. Ole Viken 486 poeng

3. Petter Rasmussen 430 poeng

4. Egil Johan Hessen 318 poeng

Det er ganske smålåte enno, altså, men det kjem seg nok etter kvart. Mellom anna er det ein del ivrige kastarar i klubben, sjølv om dei ikkje heilt veit sjølve kor ivrige dei er. 

Og så har det blitt tradisjon for utfordrar-konkurransar for gamle folk. Det er vel ingen grunn til å tru at ikkje den kjem opp igjen - når gradene blir såpass varme at også dei 35+ synest det går an å bevega seg utandørs.